🚫 اكتشاف مانع الإعلانات

رواية مدللة ابن الصعيد ج1 للكاتبة حبيبة عبد الحميد الفصل الثاني

خرجت لينا من المستشفى وكانوا كالأتى
لينا والجد إبراهيم فى سيارة والحاج إسماعيل والحاجة روح فى سيارة وجاد وسناء فى سيارة
وتحركوا فى أتجاه القصر بعد مدة ليست طويلة وصلوا أخيرا وكانت لينا تنظر للقصر بأنبهار شديد فأن القصر شديد الجمال كقصر أحد الملوك
الحاج إبراهيم: ياروح يابتى
الحاجة روح: نعم يابا الحاج
الحاج إبراهيم: خودى لينا لغرفتها عشان تستريح
الحاجة روح: تعالى يالينا معايا عشان أوريكى غرفتك.

ذهبت لينا لغرفتها بأصطحاب الحاجة روح
الحاجة روح: ايه رأيك فى الغرفة يابتى لو مش عجباكى أختارى أى غرفة فى القصر
لينا: لا أبدا يامرات عمو الغرفة حلوة أوى
الحاجةروح: مرات عمو ايه أنا عايزاكى تعتبرينى كيف أمك وتقوليلى ماما روح
لينا بأبتسامة: حاضر يا ماما روح
الحاجة روح: أنا هسيبك دلوقتى تستريحى
خرجت الحاجةروح من الغرفة وذهبت لينا خدت شور وظلت تتأمل الغرفة لحين غلبها النعاس.

فى غرفة جاد وسناء
سناء بغضب: ممكن أعرف أيه العملته فى المستشفى دا
جاد ببرود: أيه العملته
سناء بغضب: مكنتش شايل عينك من على بت عمك والعملته مع الدكتور
جاد بغضب مسك أيد سناء حتى أن دراعها كان سوف ينكسر بين يديه
جاد بغضب: أنا أعمل الأنا عايزة فى الوقت الأنا عايزة وأول وأخر مرة تسمحى لحالك أنك تدخلى فى حياتى فاهمة مش كفاية أنك أرض بور مش عارفة تجبيلى حتت عيل
سناء بألم: فاهمة فاهمة سيب أيدى هتتكسر.

قطع كلامهم طرق الخادمة على الباب
الخادمة: الحاج إبراهيم طالب حضرتك
جاد: أنزلى أنتى وأنا هرحله
ذهب جاد للحاج إبراهيم وترك سناء تتوعد ل لينا.

فى غرفة الحاج إبراهيم كان جاد يطرق على الباب ولكن دون رد ففتح الباب كان الجد بيصلى أنتظر جاد الجد على ما يخلص الصلاة
جاد: تقبل الله ياجدى
الجد إبراهيم: منا ومنكم يا ولدى
جاد: حضرتك طلبتنى فى حاجة حصلت
الجد إبراهيم: فى قاعدة بكرة عشان الحصل و هيكون شيخ البلد وكبارات البلد قاعدين عايزك تجهز عشان هتروح بكرة معايا
جاد: حاضر ياجدى بكرة هتلقانى جاهز
عايز حاجة تانى
جد إبراهيم: لا يا ولدى تصبح على خير.

جاد: وانت من أهل الخير
خرج جاد من غرفة الجد و ذهب لغرفته
كانت سناء نامت
جاد بضيق: جاتك القرف حريم تسد النفس
راح جاد خاد شور ونام
بينما فى مكان آخر مش بعيد كتير قصر شديد الجمال لا يقل جمالا عن قصر الشرقاوى بلا يزيد جمالا عنه نعم ياسادة أنه قصر عائلة الجارحى ندخل للقصر حيث التحف الثمينة والأثاث الراقى ولكن فى ركن من هذا القصر هناك شجار قائم
الحاج عبدالرحيم: انت كيف تعمل إكدا من غير علمى.

أدم: يابوى انا كنت عايز اخد تارنا
الحاج عبدالرحيم بعصبيه: تار ايه يابو تار انت ناسى انو كيف ما أبن عمهم قتل أخوك أن أحنا قتلنا أبن الحاج إسماعيل وبعدين عملنا هدنة عشان بحر الدم يقف بس انت بعملتك دى هترجع بحر الدم تانى
أدهم : أهدى يابوى عشان صحتك
الحاج عبدالرحيم: كيف بدى أهدى أخوك مش هيستريح غير لما اموت بسبب عمايله الطايشة دى
أدهم و أدم: بعد الشر.

أدم: يابوى والله انا كنت عايز اجيبها فى جاد بس الطلقة جات فى بت عمه
عبدالرحيم بصرامة: بكرة فى قاعدة عشان الحصل أدهم انت هتاجى معايا وانت كان يشير على أدم مش عايز اشوف وشك لحد ما اشوف هيحكمه بأى فى القاعدة يالا كل واحد على غرفته
كل واحد ذهب لغرفته وكل واحد كان بيفكر ايه
هيحصل بكرة فى القاعدة.

تانى يوم فى قصر عائلة الشرقاوى
أتجمعت العائلة كلها على السفرة عشان الفطار
الحاجة روح: كلى يالينا يابتى انتى رفيعة كيف القصبة
لينا: باكل والله انا رفيعة عشان بعمل رجيم يا ماما روح
الحاجةروح: فين بتاكلى انتى بتاكلى كيف العصافير
الحاج إسماعيل: خلاص يا حاجة سبيها براحتها
خلصوا الفطار وذهب الجد إبراهيم بصحبة جاد للقاعدة.

كذلك فى قصر عائلة الجارحى
اتجمعوا على السفرة الحاج عبدالرحيم والحاجة نعمة وادهم ومريم وريم بنت أدهم
وادم منزلش من غرفته عشان الحاج عبدالرحيم
مريم: يالا يا ريم يا حبيبتى كلى
ريم: لا
مريم: يالا ريم شطورة وهتاكل
ريم: لا انا عايزة أكل من بابا
أدهم بغضب: ريم أسمعى كلام عمتك وكلى يالا
ريم بعند: لا انا عايزاك انت تأكلنى
أدهم بغضب: ريم
أنفزعت ريم من صوته وظلت تبكى وخدتها مريم تسكتها.

الحاجة نعمة: براحة يا ولدى بتك لسة صغيرة
أدهم: ريم حبيبتى انا أسف تعالى جمبى يالا عشان تاكلى
خلصت العائلة الفطار وذهب الحاج عبدالرحيم وأدهم عشان قاعدة الصلح.

رواية مدللة ابن الصعيد ج1 للكاتبة حبيبة عبد الحميد الفصل الثالث

كانت فى قعدة الصلح عائلة الجارحى وعائلة الشرقاوى وشيخ البلد وكبارات البلد
الشيخ: انتو أكيد عارفين أنتو هنا ليا ياحج عبدالرحيم انت عارف ان التار دا كان من زمان وأحنا عملنا الهدنة عشان نوقف بحر الدم
وعارف أن أبنك غلطان وأن بسبب العمله بحر الدم رجع تانى
الحاج عبدالرحيم: أنا عارف أن أبنى غلط والحتكموا بيه انا موافق عليه.

الشيخ: أنا عندى حل عشان التار دا ينتهى ونضمن أنه مش يرجع تانى أى حاجة هقولها انتو لازم توافقوا عليها عشان التار دا ينتهى
ايه رأيكم
الحاج عبدالرحيم: أنا موافق على أى حاجة تقولها
الحاج إبراهيم: وانا موافق أهم حاجة بحر الدم دا ينتهى
الشيخ: تمام كدا عشان التار دا ينتهى هيبقى بالنسب جاد هيتجوز بت الحاج عبدالرحيم وواحد من اولاد الحاج عبدالرحيم هيتجوز حفيدتك يا حاج إبراهيم أيه رأيكم.

الحاج عبدالرحيم: أنا موافق
الحاج إبراهيم: مفيش حل تانى انت عارف أن دى بت أبنى الوحيدة
الحاج عبدالرحيم: حاج إبراهيم متخافش عليها هى هتبقى كيف بتى وهتجوز ولدى أدهم
بصله أدهم بصدمة ممزوج بغضب
الحاج إبراهيم: أنا عارف أنها هتبقى كيف بتك زى ما أنا هعتبر بتك كيف بتى المجبتهاش
الشيخ: خلاص على بركة الله الفرح هيبقى الخميس الجاى
الحاج عبدالرحيم والحاجة إبراهيم: على بركة الله.

قصر عائلة الشرقاوى
جاد: جدى انت موافق على القالوا
الجد إ براهيم: أيوه ياجاد موافق انا مستعد
اعمل اى حاجة عشان نفض من موضوع التار دا
جاد: طيب انت هتعرف تقنع لينا
الجد إ براهيم: متخافش لينا أنا هعرف أقنعها انا لولا انى عارف أن الحاج عبدالرحيم هيعاملها كيف بته مكنتش وفقت بس انت شوف ازى هتقول لمرتك على موضوع الجواز
جاد بغضب: وهى تقدر تفتح خشمها مش كفاية انها أرض بور مش قادرة تجيبلى عيل.

الجد إبراهيم: براحة عليها يا ولدى دى بردوا مرتك عاملها بما يردى الله
جاد: إنشاء الله ياجدى بعد إذنك
الجد إبراهيم: إذنك معاك يا ولدى.

فى غرفة لينا
سمعت لينا طرق على الباب راحت فتحت الباب
لينا: جدو تعال أتفضل
الجد إ براهيم: تعالى يابتى بدى احكى معاكى شوية
لينا: اتفضل يا جدو
الجد إ براهيم: أنتى أكيد عايزة تعرفى ليا أبوكى كان عايش برة البلد وعمره ما إيجا هنا واصل
لينا: اه يا جدو عايزة أعرف
الجد إ براهيم: زمان من ٢٥ سنة كنت بدى أتجوز أبوكى لبت اخويه الهى بت عمه بس هو
رفض وكان عايز يتجوز واحدة من مصر
فلاش باك.

الحاج إبراهيم: ياسين يا ولدى أنت اتعلمت كيف ما كان بدك فى مصر وبقيت دكتور قد الدنيا مش ناوى بقى تتجوز كيف أخوك
ياسين: كويس فتحتنى فى الموضوع دا يابوى
عشان انا كنت هفتحك فيه عشان نويت أتجوز
الجد إ براهيم بفرحة: والله يا ولدى انا كنت منتظر اليوم التاجى تفتحنى فى الموضوع دا عشان تتجوز بت عمك
ياسين: بت عمى مين أنا بحب واحدة من مصر وعايز أتجوزها
الحج إبراهيم: مستحيل يحصل بت عمك من أول ما تولدت وهى مكتوبالك.

ياسين: لا يا بوى انا بحب داليا ومش هتجوز غيرها ومش مستعد أتجوز واحدة مش بحبها عشان عادات وتقاليد
الحاج إبراهيم: هو دا العندى لو مش اتجوزت
بت عمك هتمشى من القصر ومش عايز أشوفك تانى
ياسين: ماشى أنا همشى ومش هاجى هنا تانى
عودة من الفلاش باك
دلوقتى عرفتى ليا أبوكى مشى
الجد إ براهيم بحزن: انا ندمت عشان مش جوزته البيحبها و حرمت نفسى من والدى وأن حتى أشوفه قبل ما يموت.

الجد بص على لينا لقى وشها مليان دموع الجد بصلها بدموع وخدها فى حضنه
حبيبة جدك أنتى عارفة انا بحبك كيف انا بعتبرك عوض ربنا ليا عن والدى الله يرحمة
لينا بدموع: وأنا كمان بحبك يا جدو انا بشوف بابا فيك فى حنيته عليا
الجد إبراهيم: أنتى عارفة يابتى أنى مستحيل أعمل حاجة مش فى مصلحتك
لينا: أكيد يا جدو أنا واثقة فيك أنك مستحيل تعمل حاجة ضدى
الجد إبراهيم: بصى يابتى فى موضوع عايزك فيه وعايزك تسمعينى أمنيح.

لينا: حاضر يا جدو أتفضل
الجد إبراهيم: بصى يابتى ( وحكالها على موضوع التار ) هو دا الموضوع لو مش موافقة انا معاكى وهتصرف أنا مش كنت هوافق غير لما عارف أن الحاج عبدالرحيم هيعاملك كيف بته وأدهم زينة الشباب أيه رأيك
لينا: انا موافقة يا جدو لو بكدا التار هينتهى
وأنا واثقة فيك وفى أختيارك
الحاج إبراهيم: يسلم الربى يابتى
انا همشى ولو غيرتى رأيك انا زى ما قولت هتصرف
لينا: مش تقلق يا جدو انا موافقة.

فى قصر عائلة الجارحى
أدهم: أبوى ايه الحصل فى القاعدة دا
الحاج عبدالرحيم ببرود: أيه الحوصل يعنى
أدهم: أنا مش راح أتجوز
الحاج عبدالرحيم : أدهم احنا أتفقنا خلاص والفرح الخميس الجاى بدك تصغرنى قدام الناس
أدهم: يعنى انت بدك تجوزنى غصب كيف الحريم
الحاج عبدالرحيم بصرامة : هتتجوزها يا أدهم هو انت كبرت لدرجة مش بقالى كلمة عليك
أدهم: يابوى أنا مش رايد أتجوز.

الحاج عبدالرحيم: أدهم أنت من حقك تتجوز مرتك خلاص ماتت هتفضل لحد أمته كدا
وبتك محتاجة لأم قطع كلامه أدهم
أدهم بغضب: ماشى يا بوى موافق بس انت الهتشيل ذنبها
وخرج أدهم من البيت غاضب.

فى غرفة مريم
سمعت طرق على الباب راحت فتحت
مريم: ابوى تعال أتفضل
الحاج عبدالرحيم: مريم يابتى بدى احكى معاكى فى موضوع انتى أكيد عارفة موضوع التار البينا وبين الشراقوة
مريم: اه عارفة يابوى وأنكم اليوم روحتوا القعدة عشان العملوا أخوى
الحاج عبدالرحيم: أمنيح انك عارفة بصى يابتى
لو بأيدك تنهى التار هتتأخرى
مريم: لا طبعا لو بأيدى عمرى ما أتأخر
الحاج عبدالرحيم: طيب أمنيح بصى يابتى.

( وحكالها على موضوع التار ) أيه رأيك يابتى انتى عارفة أنك بتى الوحيدة والغالية وانتى عارفة أنى مستحيل أعمل فيكى كدا بس أخوكى الغلط ولو مش موافقة أنا هتصرف
مريم: عارفة يا بوى أنا موافقة
الحاج عبدالرحيم: متأكدة يابتى
مريم: متأكدة يابوى أنا موافقة
الحاج عبدالرحيم: ربنا يبارك فيكى يابتى
بعد ما خرج الحاج عبدالرحيم
ذهبت مريم لشرفة الغرفة.

مريم فى نفسها: (معقول الحبيته من وأنا صغيرة كنت أنتظر اليوم الياجى يتقدملى فيه وبعد ما أتجوز بت عمه فقدت الامل ان نكون لبعض معقول بعد دا كله هتجوزه بس يا ترا جاد بيحبنى ولا عشان التار بس مش مهم وعد منى هخليك تحبنى أضعاف حبى ليك ) بعدين مريم راحت على التخت وظلت تحلم بجاد.

رواية مدللة ابن الصعيد ج1 للكاتبة حبيبة عبد الحميد الفصل الرابع

قصر الشرقاوى
فى غرفة جاد وسناء
سناء بغضب: جاد انت صوح هتتجوز
جاد ببرود: ايوه هتجوز عندك يا سنيورة مانع
سناء بغضب: انت كيف تفكر تتجوز عليه اهه
جاد بغضب: قولتلك قبل اكدا صوتك ميعلاش عليه ولا بين أنى أتسهلت معاكى كتير ولعلمك انا هتجوز بمزاجك أو مش بمزاجك ومريم هتبقى زيها زيك فى القصر دا وخلينى أسمع أنك سويتى ليها حاجة جبر يلمك
وخرج جاد من الغرفة غاضب.

سناء بغضب: يعنى أنا قولت هخلص من الأسمها لينا تطلعلى ست مريم.

وجاء أخيرا يوم الخميس المنتظر
فى قصر الشرقاوى تم ذبح الذبائح ونفس الشئ
فى قصر الجارحى وتم توزيع اللحوم على أهل البلد فاليوم ليس بيوم عادى فى اليوم دا هيكون عرس أبناء أكبر عائلات الصعيد واليوم الذى سوف ينتهى فيه التار للأبد
حضرت عائلة الجارحى والشرقاوى وشيخ البلد
وعدد من كبارات البلد وأخيرا المأذون
تم كتب كتاب أدهم ولينا ثم جاد ومريم.

ومع أنتهاء المأذون من كتب الكتاب أطلق الأعيرة النارية أحتفالا بالزواج وأنتهاء التار.

فى الغرفة التى سوف تتزين فيها الفتاتين
مريم بهدوء: احمم انتى لينا
لينا بخجل: اه لينا
مريم: أنا مريم أخت أدهم ممكن نبقى أصحاب
لينا: اه طبعا أنا أصلا مش عندى أصحاب فى الصعيد
مريم: مالك انا حساكى متوترة وخايفة
لينا: بصراحة أنا خايفة أوى أنا عمرى ما شفت أخوكى ولا تخيلت أنى أتجوز بالطريقة دى
مريم: متخافيش صح أدهم بيغضب بسرعة بس قلبة طيب
لينا: أنتى ليا مش متوترة ولا خايفة زى وتقريبا انتى عمرك مش شفتى جاد.

مريم فى نفسها: (عمرى ما شوفته دا أنا صورته محفورة فى قلبى قبل عقلى)
( دا البت طلعت وأقعة على الاخر )
لينا: مريم مريم انتى روحتى فين
قطع كلامهم دخول خبيرة التجميل
خبيرة التجميل: السلام عليكم
لينا ومريم: وعليكم السلام
خبيرة التجميل: مشاء الله انتوا جمال أوى مش محتاجين حاجة
وبدأت تجهزهم.

فى مكان الستات حيث الرقص والأغانى الشعبية الكل كان منبهر بالعرائس وجمالهم وسناء ترمقهم بغضب وحقد
فى مكان الستات حيث الرقص والأغانى الشعبية الكل كان منبهر بالعرائس وجمالهم
وسناء ترمقهم بغضب وحقد
٠٠٠: مشاء الله العرائس كيف الجمر ليلة تمامه
والله يا ست نعمة وانتى والست ورح محظوظين بيهم
الحاجة نعمة: تسلمى يا حاجة
الحاجة روح: عقبال فرح عيالك يارب.

سناء بحقد: انتو بتمدحوا فى جمالهم زى ما يكون ما فى حد أتجوز غيرهم قبل اكدة
٠٠٠: مالك ياسناء مش على بعضك اكدة لتكونى غيرانه من مريم عشان جوزك أجوزها عليكى
سناء بغضب: أغير وأنا أغير من دى أغير من واحدة كانت خلاصة تار وهى تنظر لمريم نظرة أحتقار جعلت عين مريم تدمع
الحاجة روح بغضب: سناء خلاص أكتمى وبلاش كلام ماسخ
الحاج روح: مريم يابتى متزعليش
مريم بأبتسامة: لا أبدا مش زعلانة.

بينما فى مكان الرجال
كان أدهم وجاد راكبين على الأحصنة وبيرقصوا
بالعصى على المزمار الصعيدى
واهو العرس ينقضى سريعا وكل عريس خد عروسته.

فى غرفة أدهم ولينا
كانت لينا قاعدة على السرير ومغطيه وشها بالطرحة وترتجف من الخوف
يدخل أدهم الغرفة ويجلس بجانب لينا ويرفع الطرحة فجأة يقف ويرجع خطوتين للوراء.

بينما فى غرفة جاد ومريم
مريم هى الأخرى قاعدة على السرير
وتفرك أيديها من التوتر بيدخل الجاد الغرفة
وبيرفع الطرحة من على وجه مريم كانت مريم
تنظر للأسفل يرفع جاد وجه مريم فتظل مريم
تنظر لملامحه التى تعشقها وهو يظل ينظر إلى ملامح وجها الطفولى التى تشع برأة يستفيق
جاد أخيرا
جاد: روحى اتوضى عشان نصلى
مريم بخجل: حاضر.

تتوضئ مريم ثم يصلى بها جاد ويكون هو أمامها بعد أنتهاء الصلاة يحملها جاد لتصبح زوجته شرعا وقانونا.