فرحه فضلت منتظره احمد ونفسها يجي بقا مش عارفه تعمل ايه وفي نفس الوقت حذرت مريم من الاتصال بي. واعدت تدعي ربنا كتير انه يقرب البعيد.. وفي يوم م الايام رن تلفون عصام ياتري مين اكيد احمد عصام: السلام عليكم احمد: وعليكم السلام ازيك يااستاذ عصام عصام: الحمدلله بس مين حضرتك احمد: انا احمد الظابط الي كنت عملتلكم المحضر بتاع الانسه فرحه اختك وصديقتها عصام: باستغراب اهلا بحضرتك هو في حاجه تاني حصلت ولا ايه.
احمد: لالا اطمن حضرتك انا كنت عايزك في موضوع شخصي عصام: شخصي? ازاي ممكن حضرتك توضح احمد: بصراحه انا يشرفني اني اتقدم للانسه فرحه اخت حضرتك عصام: استغرب اوي وقاله اختي؟ انا احمد: ايوه في حاجه عصام,: لالا ابدا طبعا الشرف لينا يااستاذ احمد احمد: ربنا يعزك كنت عايز اخد من حضرتك معاد حضرتك فاضي امتي؟
عصام: حدد معاه معاد وقفل معاه بس نسي يسأله جاب رقمه منين وفضل مستغرب ان ظابط متقدم لفرحه ميعرفش ان قدر ربنا فوق كل شئ... عصام روح البيت بعد شغله واول مادخل من باب الشقه عصام: فرحه فرحه: طلعت تجري بلهفه نعم عصام: بصلها وابتسم وقالها عندي ليكي خبر حلو اوي فرحه: حست ع طول وابتسمت وقالتله خير عصام: جالي عريس ليكي فرحه: بخجل عريس مين ده عصام: ال يعني مش عارفه اومال هو جاب رقمي منين.
فرحه: احم اااه دي مريم هي الي خدت الرقم عصام: مريم وايه الي عرف مريم الموضوع فرحه: حكتله ع كل حاجه عملتها مريم معاها والكلام الي دار بينها وبين احمد عصام: مريم دي ونعم الصديقه ما علينا ها ايه رايك بقا فرحه: بخجل راي ف ايه عصام: هههههه في الظابط احمد فرحه: وشها احمر اوي وقالتله الي تشوفه انت عصام: طبطب عليها وقالها الي فيه الخير يقدمه ربنا خلي بالك انا حددت معاه معاد وهو جاي يوم الخميس.
فرحه: قلبها دق وفرحت اوي وقالتله ماشي عن اذنك ودخلت اوضتها وهي طايره من الفرحه وعماله تدعي ربنا ان الموضوع يكمل ع خير وتكون دي بدايه سعيده ليها.
سهير: انت مالك مبسوط كده ليه عصام: ابدا جه لفرحه عريس كويس اوي سهير: بحقد وغل ياسلام مبروك بس ده مين ده بقا عصام: ظابط اسمه احمد كان عملنا المحضر لما كنا مسافرين ورجعت لقيت فرحه ف القسم سهير: اييييييييه ظاااابط متقدم لفرحه اختك! عصام: اه ومالها فرحه اختي ان شاء الله سهير: لا مش قصدي بس غريبه شويه عصام: لا غريبه ولا حاجه فرحه تستاهل كل خير.
سهير: بحقد اه طبعا بس ياريت تفكر كويس قبل ما تعمل اي خطوه ف الموضوع ده عصام: اكيد هفكر كويس وهتاكد انه هو كويس سهير: اه لان الظباط دول يتكون اخلاقهم مش حلوه ديما وبيكونو معندهمش مبادئ واكيد ده كده عصام: وانتي عرفتي منين ان هو اكيد كده بقا بتشمي ع ضهر ايدك سهير: لا انا بحذرك بس عصام: بصلها وسكت وابتدي يحس انها حقوده اوي وغلاويه كمان...
مريم قامت وراحت لفرحه عشان يختارو مع بعض هتلبس ايه فرحه: مريومه ايه رأيك في العبايه البني دي حلوه صح مريم: هارك اسوح هتقابلي العريس ببني فرحه: هههههه وايه يعني دي حلوه اوي مريم: لا طبعا البسي حاجه مزهزهه كده يافرحتي ارجوكي هطفشي العريس بلبس بتاعك ده فرحه: هههههه طب اخلصي نقي انتي ياام العريف قعدت مريم تنقيلها وميعجبش فرحه وصوتهم علي اوي من كتر الضحك مش قادرين يمسكو نفسهم وفجأه دخلت سهير.
سهير: الله الله ايه قله الادب دي صوتكو جايب اخر الدنيا مريم: احنا بنضحك عادي في ايه سهير: بتضحكو بصوت عالي الناس تقول علينا اييه فرحه: خلاص مش هنضحك تاني ارتاحي بقا سهير: بغل طب يلا عشان تنظفي البيت ده ولا انتي مش فالحه غير في المياصه وقله الادب مريم: استغفر الله العيظيم يارب ربنا يصبرك ع ما بلاكي يافرحه سهير: بصتلهم وهي متغاظه اوي وقالتلها يلا عشان تنضفي البيت وخرجت وسابتهم.
مريم: يالهوي عليها ربنا يهدها انا مش عارفه اخوكي عاجبه فيها ايه فرحه: مش عارفه بيحبها وبيسمع كلامها اوي مريم: اه ماهي بتمثل عليه وبتضحك عليه بكلمتين عبو شكلها عصبتني فرحه: كان نفسي تبقي مرات اخويا والله يامريومه مريم: متفكرنيش بقا انا كنت بحبه وهو اتخلي عني وراح اتجوز البتاعه دي فرحه: والله الي احنا في ده ذنبك يامريم مش عارفه عصام كان جرالو ايه بس معلش هي الي ضحكت عليه وخدته منك.
مريم: الله يسامحها ويسامحه متفكرنيش يافرحه قلبي بيوجعني فرحه: سلامه قلبك يامريومه ربنا يعوضك بالي احسن يارب مريم: لا ياختي انا مش عايزه بس افرح بيكي وخلاص فرحه: وانا كمان نفسي افرح فيكي اوي يامريومتي مريم,: سكتت وعنيها دمعت فرحه: يالهوي انتي بتبكي يامريومه؟ في ايه مريم: مفيش حاجه يافرحه يلا نكمل ونختار باقي الهدوم فرحه: لا قوليلي مالك ادايقتي اول ما فتحنا موضوع عصام في ايه يامريم مريم: بصتلها وهي بتبكي.
فرحه: مريم, انتي لسه بتحبي عصام؟ مريم: وعمري ما نيسته لحظه فرحه: بذهول معقوله رغم كل الي حصل يامريم مريم,: غصب عني يافرحه مش بايدي والله ودموعها بتنزل بشده فرحه: قامت وحضنتها وقالتلها معقوله كاتمه في قلبك كل ده ياحبيبتي عشان كده بترفضي اي عريس يتقدم بدون تفكير وانا كنت هجنن واقول بترفضي ليه! مريم: انا اكتفيت بحبه في قلبي وخلاص هو متجوز وبيحب مراته وربنا يهديهاله. ومعايا انا واقدر انساه.
فرحه: مش قادره اصدق يامريم انك بتحبي طول السنين دي كلها وهو مع واحده غيرك وجعتي قلبي اه اه ياقلبي هههههه مريم: هههههه عبو شكلك يافرحتي يلا نكمل بقا قومي انتي هترغي ومسحت دموعها واعدت تتوه في الموضوع فرحه: حضنتها وقالتلها ربناكبير ومبينساش حد مريم: ونعم بالله يلا ياختي خلصي شوفي هتلبسي ايه واعدو يختارو اللبس مع بعض لحد ما اختارو طقم حلو ومرت الايام لحد ما جه يوووم الخميس ومعاد العريس.
فرحه مرتبكه اوي خلاص الوقت اقترب وقلبها عمال يدق وعماله تدعي ربنا انه يوفقها ويتمم بخير وخلاص احمد كلم عصام وقاله انه ع وصول وفرحه دخلت تلبس وتحضر نفسها ومعاها مريم فرحه: ايه رايك كده يامريومه حلو مريم: زي القمر ياحبيبتي ربنا يتمم بخير يااااارب فرحه: يارب يامريومه عقبالك يارب انا حاسه قلبي هيقف م الفرحه خلاص مريم: الجرس بيرن العريس العريس اجهزي بسرعه.
عصام فتح الباب لاحمد احمد: السلام عليكم ازي حضرتك عصام: وعليكم السلام اهلا بالباشا خطوه عزيزه احمد: شكرا ربنا يعزك عصام: اتفضل ارتاح دخل احمد وقعد احمد: طبعا انا اديت لحضرتك خلفيه للموضوع وبقولها لحضرتك تاني انا يسعدني ويشرفني اطلب ايد فرحه اخت حضرتك عصام: اكيد الشرف ليا طبعا وانا سألت ع حضرتك وسمعتك مشاء الله انا اديك فرحه وانا مغمض احمد: الله يكرمك حضرتك كلك زوق عصام: بس سؤال معلش فين اهلك.
احمد: في الحقيقه والدي ووالدتي عايشين في اسكندريه وانا بلغتهم بي الموضوع وهما اتفقو معايا اني اشوف رايك وراي العروسه الاول وبعدين هما هيجو عصام: اه اهلا وسهلا يشرفونا، عن اذنك ثانيه احمد: اتفضل عصام دخل ينده ع فرحه عصام: يلا يا فرحه هاتي العصير والحاتو وتعالي بسرعه فرحه: وشها احمر اوي وقلبها بيدق حاضر حاضر وراحت خدت الصنيه وخرجت تقدم لاحمد فرحه: بكسوووف سلام عليكم احمد: بابتسامه وعليكم السلام.
فرحه: بخجل اوي وعنيها في الارض اتفضل احمد: بابتسامه بص في عنيها وقالها تسلم ايدك فرحه: حطت الصنيه ع الترابيزه وقعدت جنب اخوها وهي بصا ف الارض.
عصام: طبعا يلا بسم الله وقرو الفاتحه كلهم وفرحه واحمد في قمه السعاده والفرح مريم: لولولولولولي الف الف مبروووووووك فرحه: قامت حضنت مريم وقالتلها عقبالك يامريومه احمد: عقبالك ياانسه مريم عصام: عقبالك يامريم مريم: بنظره لوم شكرا عصام: بصلها اوي وسكت ومن جواه ندمان ندم شديد وتوه نفسه وراح حضن فرحه وقالها الف مبروك ياحبيبتي سهير: مبروك يافرحه فرحه: الله يبارك فيكي.
وبعدين اعدو مع بعض شويه واحمد حدد معاد معاهم عشان يجيب والدته ويرحو يشترو الشبكه وسلم عليهم وع فرحه وقالها مبروك ياعروسه وكان في قمه السعاده وفرحه كمان ومشي احمد وطول وهو ماشي فرحه مش عايزه تغيب عن باله لحظه واحده وفرحه كمان نفس الحكايه واول حاجه عملتها فرحه دخلت اتوضت وصلت ركعتين شكر لله وفضلت تدعي وتحمد ربنا ع الفرحه الي هي فيها.
وفي عز فرحتها منسيتش مامتها ولا بابها وكتبت في مذكرتها. ماما حبيبتي بابا حبيبي انا فرحانه اوووي وسعيده اوووي ومرتاحه للموضوع اوي ياماما كان نفسي تكوني معايا في يوم زي ده بس اكيد انتي حاسه بيا وفرحانه زي انتي وبابا انا بحبكو اوي وعمري ما هنساكو ابدا ربنا يرحمكم ويجمعني بيكم في الجنه بحبكم...
وبعدين نامت فرحه وهي فرحانه وحاسه اني نص حلمها اتحقق وان الفرح خلاص جه ودق بابها وهيعوضها عن كل الي فات من وجع.
ومرت الايام واحمد جاب والدته عشان يشترو الشبكه ووالدته كانت ست طيبه اوي وحبت فرحه جدا وفرحه كمان حبتها اوي وبقت بتقولها ياماما واشترو الشبكه وعملو الخطوبه وفرحه كانت زي القمر واحمد كمان وكانو الاتنين فرحانين ببعض اوي والكل فرحان ما عدا سهير عمرها ما هتفرح لفرحه ابدا ولا هتحبلها الخير وديما تحقد عليها هي مش عارفه تعمل ايه لان عصام حب احمد اوي ومسبلهاش ودنه وقالها ملكيش دعوه بالموضوع وسبيها ف حالها بس هي عماله تخطط ازاي تخرب ع فرحه وضيعلها كل حاجه...
المهم الخطوبه انتهت وطبعا احمد اخد رقم فرحه عشان يتكلمو واول ماروح البيت اتصل بفرحه احمد: اخبار عروستي ايه فرحه: الحمدلله بخير وانت احمد: انا بصراحه اسعد واحد ع وجه الارض فرحه: بكسوف يارب ديما احمد: ان شاء الله اكيد عشان انتي هتبقي معايا فرحه; بخجل ان شاء الله احمد: طب وانتي بقا فرحه: انا ايه احمد: مبسوووطه فرحه: احم احم احمد: بابتسامه مش سامع حاجه فرحه: اه الحمدلله.
احمد: يارب ديما تكوني مبسوطه واقدر اسعدك العمر كله فرحه: بس انا كنت عايزه اقولك ع حاجه احمد: خير يافرحه قولي فرحه: انت دلوقتي خطيبي وانا عايزه فتره الخطوبه دي تمر تحت رضا ربنا ومش عايزين نعمل اي حاجه تغضب ربنا احمد: طبعا يافرحه متقلقيش وانا اوعدك اني مش هعبرلك عن مشاعري لحد اما نكتب الكتاب مش هو ده الي انتي عايزه تقولي فرحه: بالظبط كده وفرت عليا كلام كتير.
احمد: اوعدك اني هحافظ عليكي يافرحه، بس ع فكره انا هتفق مع اخوكي نكتب الكتاب مش هقدر استني لحد الفرح عندي كلام كتير اوي لازم اقولهولك فرحه: ابتسمت وسكتت احمد: واكيد انتي كمان صح فرحه: صح ايه احمد: عندك كلام كتير عايزه تقولهولي ومكسوفه صح فرحه: احمد: روحتي فين فرحه: معاك اه اكيد في كلام كتير بس كل شئ باوانه، تصبح ع خير بقا احمد: وانتي من اهله يافرحه.
ومرت الايام وفرحه حالها اتغير تماما وكل يوم بتكلم احمد وتعلقت بيه جدا واصبح اهم شئ في حياتها ولا بقا في شئ تاني يهمها ولا بتزعل طول ما هو جنبها حسسها بالامان والحنان الي محستهمش في حياتها ابدا وفي يوم مريم جات تزور فرحه مريم: ايه يافرحتي هو من لقي احبابه نسي اصحابه ولا ايه زحلانه منك فرحه: مريومه حبيبتي والله ماليا غيرك ده انتي صحبتي حبيبتي مريم: ياسلام ياختي كنتي سالتي عليا حتي.
مريم: ان شاء الله انا هسيبك بقا عشان اتاخرت فرحه: اعدي شويه يامريومه عشان خاطري مريم: معلش ياحبيبتي هجيلك تاني خرجت مريم وهي خارجه شافت سهير واقفه بعيد وعماله تبص حواليها وبتكلم في التلفون وشكلها غريب.
مريم: ف نفسها دي مالها دي بقا شكت فيها فضلت تقرب منها عشان تسمع بتقول ايه من غير ماتحس بيها وفجأه سمعتها بتكلم واحد وبتقوله ايوه الظابط اسمه احمد في قسم كذا كذا ووصفتله العنوان بتاع احمد وقالتله حطله المخدرات والرشوه وبعدين بلغ ع طول فهمت هتعمل ايه مريم: زوهلت جدا وفضلت مبرقه ومش عارفه تعمل ايه...
مريم طلعت تجري ودخلت بسرعه تاني عشان تقول لفرحه فرحه: في ايه يامريم مالك مريم: الحقي يافرحه سمعت مرات اخوكي بتكلم واحد وبتقوله يحط مخدرات لاحمد وبعدين يبلغ عنه فرحه: يالهوي ازاي وسمعتيها فين مريم: مش مهم دلوقتي المهم اتصلي ب احمد بسرعه وحذريه بسرعه يافرحه فرحه: حاضر حاضر استرها يارب ومسكت الفون بتاعها بسرعه واتصلت باحمد احمد: فرحتي.
فرحه: بلهفه احمد في حد حطلك مخدرات ورشوه في مكتبك وبعدين هيبلغ عنك اتصرف ارجوك ودور كويس اكيد هتلاقيهم وارميهم احمد,: ايه الكلام ده يافرحه وعرفتي ازاي فرحه: مش وقتو هفهمك بعدين الله يكرمك دور بس.
احمد: طيب اقفلي دلوقتي قفل معاها وفضل يدور في مكتبه وقلبه كله ملقاش حاجه فضل قاعد محتار مش عارف يعمل ايه خرج يكلم زميله وفي اللحظه دي دخل الراجل الي بعتاه سهير عشان يحطهاله وخرج بسرعه وبعدين احمد دخل هو وزميله تاني المكتب وزميله قاله مالك متوتر ليييه كده احمد حكاله ع الي حصل بالظبط ودورو مع بعض تاني لحد اما لقو الحاجه.
احمد: ينهااااار اسود مين ابن المؤذيه الي عمل كده واخد الحاجه دي واتصرف فيها وبعدين اتصل يفرحه فرحه: ها عملت ايه يااحمد احمد: لقيت الحاجه واتصرفت فيها قوليلي عرفتي منين الي حصل ده فرحه: اخدت نفسها الحمدلله يارب المهم انك اصرفت فيها لما اشوفك اقولك ع كل حاجه احمد: فرحه قوليلي عرفتي منين لو سمحتي فرحه: اقولك ايييه بس يااحمد للاسف مرات اخويا هي الي كانت عايزه توديك في داهيه منهااا لله.
احمد: زوهل جدا ليييييه؟ انا اذيتها في اييه فرحه: مش انت يااحمد دي عايزه تحرق قلبي انا مش عايزه تشوفني فرحانه وعايزه تسود عيشتي احمد: يااااه للدرجه دي وصل بيها الحقد والغل يخربيتها دي كانت هضيعني خالص فرحه: وكانت هضيعني معاك يااحمد احمد: متخافيش يافرحه ربنا معانا وبيسترها ديما بس انتي هتعملي ايه دلوقتي اوعي تحتكي بيها لتعملك حاجه فرحه: متخافش انا هقفل دلوقتي وهكلمك تاني وقفلت معاه.
فرحه: شوفتي يامريم اعمل ايه معاها دي دلوقتي انا عايزه اخنقها باديا مريم: فعلا دي مش لازم يتسكت عليها ابدا انتي تقولي لاخوكي وهو يتصرف معاها فرحه: انا مش قادره استني لحد ما يجي عصام انا خارجلها وخرجت هي ومريم عشان يشوفها فين سهير: ايه مالك ف ايه فرحه: شوفتي الي حصل سهير: حصل ايه فرحه: مش في حد معندوش ضمير حط لاحمد مخدراات سهير: يالهوي مخدرات لا اله الا الله.
فرحه: هو انتي تعرفي ربنا اصلا انتي انسانه جاحده وحقوده وانا قرفت منك حسبي الله ونعم الوكيل فيكي انا عملت فيكي ايه اذيتك في ايه ليه بتعملي فيا كده؟ سهير: ارتبكت وقالتلها انا معملتش حاجه عملت ايه انا فرحه: والله! يعني مش انتي الي حطيتي لاحمد المخدرات صح سهير: انتي بتقولي ايه وانا هعمل كده ليه يعني فرحه: عشان تسودي عيشتي اكتر ما انتي مسوداها وتحرقي قلبي وضيعي مستقبل الانسان الي حبيته.
سهير: لاااا انتي اجنننتي فعلا انا مش مجرمه ولا عمري اعمل كده شوفي مين ياحبيبتي الي عايز ينتقم من الظابط بتاعك ده مريم: ياااه للدرجه دي بتتكلمي بكل بجاحه ولا اكنك عملتي حاجه طب ياستي خافي من ربنا ده انا سمعاكي بوداني دول وانتي بتتفقي مع الراجل انتي ايه اتقي الله سهير: انتي كذابه وعايزه تخربي الدنيا مريم: وهكذب ليه هو انا زيك معنديش ضمير، وفجآه دخل عصام عصام: في ايه مالكم صوتكم عالي ليه كده.
سهير: تعالي شوف ياعصام اختك بتقول عليا ايه ال ايه اناااا حطيت مخدرات لاحمد خطيبها عشان اودي في داهيه عصام: مخدرات؟ ايه الكلام ده يافرحه في حد يقول كده فرحه: انا مجبتش حاجه من عندي احمد فعلا لقا المخدرات في مكتبه واتصرف فيها قبل ما يروح في داهيه مريم: وانا سمعتها بالصدفه وهي بتتفق مع واحد يحطهاله عصام: زوهل جدا وبصلها وقالها الكلام ده صح.
سهير: حتي انت كمان ياعصام وانا هعمل ليه كده مريم دي كذابه وانا قولتلك انها مش سهله وعايزه توقع بينا اوعي تصدها دي عايزه تخرب بيتنا وبصت لمريم وقالتلها اطلعي بره بيتي عصام: اسكتي ياسهير عيب وهي هتعمل كل ده لييه وهتوقع ليه.
مريم: بدون ما ادخل في مجادلات انا خارجه من هنا انا اصلا باجي عشان فرحه وبس اما انتي فاحقر انسانه شوفتها في حياتي وربنا هينتقم منك حق الانتقام ومش هيضيع حق فرحه الي انتي كلتي انا ماشيه يافرحه فرحه: مريم ارجوكي استني متمشيش عصام: محدش يقدر يطردك يامريم وده بيتك زي ماهو بيت فرحه مريم: معلش انا ماشيه وهبقي اكلمك في الفون يافرحه ومشيت وهي منهاره وعماله تعيط وقلبها واجعها اوي.
فرحه: عاجبك كده حسبي الله فيكي ياشيخه سهير: شايف اختك وعمايلها ياعصام دي بتهزقني هي وصحبتها وانت واقف مكانك انت ايه مش راجل عصام: اتعصب جدا وبصلها وفجآه ضربها بالالم جامد وقالها انتي انسانه حقوده وفاشله وانا قرفت منك سهير: انت بتضربني ياعصام طب انا مش قعدالك فيها وسيبهالك مخضره انت واختك عصام: في ستين داهيه فرحه: اهدي بس ياعصام دي ساعه شيطان عصام: اسكتي يافرحه.
سهير: لمت هدومها وقالتله انا ماشيه عشان مش عايزه خلاص اعيش معاك عصام: سهير سهير: وقفت وبصتله ع اساس انه هيصالحها زي كل مره عصام: انتي طالق وورقتك هتوصلك لحد عندك سهير: بصتله والدمؤع ف عنيها يكون احسن برضو ومشيت فرحه: ليه كده ياعصام مش دي مراتك الي انت بتحبها عصام: كنت يافرحه واكتشفت انه مكنش حب وكان لازم اصلح الغلطه الكبيره دي فرحه: طب وعمر ابنك.
عصام: عمر هشوفه ومصاريفه هتوصله لحد اما يبلغ السن القانوني وبعدين هيبقا في حضانتي احسن ما يعيش متعذب بيني وبينها فرحه: طبطبت عليه وقالتله ربنا يعوضك ويجازيك عن كل الي فات عصام: ربنا عمل كده عشان انا ظلمتك يافرحه وسبتها تتحكم فيكي زي ما هي عايزه وكمان ظلمت مريم يوم مااتخليت عنها بس انا لازم اصلح الغلط ده كله وفجأه الفون بتاعه رن (احمد) احمد: عصام ازيك عصام: الحمدلله انت عامل ايه.
احمد الحمدلله بخير انت موجود في البيت امتي عايزك في موضوع عصام: موجود النهارده اتفضل في اي وقت احمد: تمام الساعه 6 باذن الله عصام: تمام وقفل معاه.
احمد جه في المعاد الي حدده مع عصام وبلغه انه لازم يكتبو الكتاب وبعدين يعملو الفرح لما فرحه تكمل جهازها وعصام وافق وفرحه كانت طايره من الفرحه بس في نفس الوقت مستكتره ع نفسها الفرحه وعصام زعلان ومريم كمان ومش عارفه تعملهم ايه فقررت انها توقف بينهم وقامت تلبس عشان تروح لمريم مريم: ايه ده فرحه مش معقوله مش مصدقه انك جايه بيتي والله زماان يافرحتي.
فرحه: حبيبتي يامريومه ماانتي عارفه انه كان غصب عني عامله ايه وحشتيني مريم: الحمدلله انتي اخبارك فرحه: الحمدلله يامريومه كويسه اوي مريم: احمد عامل ايه معاكي فرحه: الحمدلله وخلاص هنكتب الكتاب بعد يومين مريم; بحد الف الف مبروووووووك يافرحتي ربنا يسعدك يارب فرحه: ويسعدك ياحبيبتي واشوفك احلي عرووسه زي القمر مريم: بصوت حزين ربنا يسهل فرحه: طب ايه رايك اني جيبالك خبر مش عارفه حلو ولالا مريم: خبر ايه يافرحه.
فرحه: سهير مريم: الله يخربيتها مالها هببت ايه تاني فرحه: اسكتي مش عصام طلقها مريم: بزهول بجد؟ فرحه: اه والله وخلاص مشيت ومش هتعيش معانا تاني مريم: لا اله الا الله فرحه: تعرفي انها صعبت عليا مريم: اه فعلا صعبت عليا رغم الافتري بتاعها ده بس تستاهل فرحه: اه يلا الله يسهلها بقا ويحصل الي في بالي مريم: ايه الي في بالك فرحه: عصام يامريم اهو طلق سهير وندمان ع كل حاجه ايه رايك لو ترجعو لبعض تاني.
مريم: لا يافرحه مش هرجع انا مش تحت ايده وقت ما هو عايز انا كرامتي فوق كل شئ فرحه: كلامك كله صح بس فكري ياحبيبتي عشان خاطري مش انتي لسه بتحبي يامريم؟ مريم: انا قولتلك اني عمري مانسيته لحظه بس كرامتي يافرحه كرامتي مش هينفع ارجعله صدقيني فرحه: مش هضغط عليكي بس هسيبك تفكري وفكري شويه عشان خاطري يامريم خلينا بقا نفرح شويه وننسي الوجع فكري يامريم.
مريم: بدموع مش سهل عليا اني ارفض يافرحه اخوكي عذبني سنين ولياالي طويله فرحه: انا عارفه والله وهو ندمان ومستعد لاي طلب تطلبي منه مريم: سكتت ومسحت دموعها فرحه: يلا بقا قومي اغسلي وشك وتعالي نخرج نجيب حاجات عشان كتب الكتاب انا عايزاكي زي القمر يلا يابت مريم: ماشي وقامت لبست وخرجو مع بعض واشترو حاجات كتير وبعدين روحو.
وعدت الايام وجه يوم كتب الكتاب وفرحه كانت زي القمر في اليوم ده ومريم كمان وكانو في البيت وقعده عائليه احمد ووالدته وعصام وفرحه ومريم ووالدتها بس مريم: فرحه يلا بسرعه احمد جه وجاب المأذون فرحه: قلبي هيوقف يامريم م الفرحه انا مش مصدقه مريم: صدقي ياحبيبتي تستاهلي كل خير ربنا يسعدك يارب يلا بقا العريس مستعجل وخرجو هما الاتنين احمد: اللهم صل ع النبي فرحه: اكسفت اوي ووشها احمر احمد: ايه القمر ده.
فرحه: احم احم بس بقا احمد: حااضر كلها خمس دقايق بس وهقول براحتي بقا فرحه: هههههه وراحت وقعدت جنب مريم وهي مكسوفه اوي عصام: ايه ياعريسنا بطاقتك يلا وقعدو جنب المأذون هما الاتنين وحطو ايدهم في بعض والمأذون كتب الكتاب وقال بالرفاء والبنين.
احمد: قام بسرعه وخد فرحه في حضنه جامد اوي وفضل حاضنها وهمس في ودنها وقالها خلاص بقيتي مراتي حبيبتي خلاص بقيتي بتاعتي انا وهمس في ودنها التانيه وقالها بحبك يافرحتي وبعدين باسها من راسها وفضل ماسك ايديها فرحه: ربنا يخليك ليا احمد: ويخليكي ليا ياروح قلبي من جوه.
رواية فرحة
